Maishiy allergenlarga nisbatan allergiya tushunchasi nimani anglatadi?

Maishiy allergenlar — bu odatda uy va xonadonlarda uchraydigan, allergik reaksiya chaqiradigan moddalar hisoblanadi. Bularga quyidagilar kiradi:

• Uy changi

• Uy changi kanachalari

• Hayvonlarning juni va qazg‘og‘i

• Mog‘or zamburug‘lari

• Suvaraklarning ajralmalari

Immun tizimi sezgir bo‘lgan odamlarda turli allergik kasalliklar rivojlanishi mumkin. Bu holatlar asosan quyidagicha namoyon bo‘ladi:

• Burun bitishi, aksirish, yo‘tal

• Ko‘zning qichishishi va yoshlanishi

• Ba'zida teri yallig‘lanishi (dermatit)

Muhimi: boshqa allergenlardan farqli o‘laroq, maishiy allergenlarga sezuvchanlik yil davomida saqlanadi va asta-sekin kuchayib boradi. Bu esa inson salomatligiga salbiy ta’sir ko‘rsatadi.